江山駿杰 來者不善

今晚上演一草五沙混合賽，頭場七點○五分開跑，外地馬暫停轉播。綜觀大局，各場參賽馬踴躍，每場最少十二匹。但馬多形勢亂，各路人馬餓馬多期，今番復賽必打真軍。預測賽果難望正路，料會爆冷居多，投注要執生。騎師除安萬堯停賽，黎家駒高掛免戰牌，何華麟傷癒復出，聯同原班人馬上陣。

筆者心水推介，第一場二三班千五米，陳俊輝廄“江山駿杰”可做此場馬膽。此駒上次同程恩利克主轡無功而回，此役試馬性質，敗不為據。拼後重新打磨再來，今番原配出擊，憑路合人強，可優先考慮。

“江山駿杰”質新馬具潛力，沙草地俱有勝績，可見場地性能廣泛。季初兩捷後即部署減分，上仗恩利克接手跑第七，試過亦心中有數。此駒近期打磨甚力，論態持續扳升。今仗操足而臨，來者不善。恩利克捨棄同場“精選名駒”，而揀騎“江山駿杰”，可見對馬匹夠鍾情。原程續戰擺明搏殺。憑騎者駕輕就熟，有力爭勝。