馬國明新劇進度受阻

馬國明昨日為新劇《BB大晒》開工，他表示該劇現在主要拍廠景，未知何時拍外景，有待公司安排。

香港政府早前實施新的“限聚令”，限制範圍包括影視圈。馬國明表示最近晚晚開工，冇時間看新聞，所以對新條例不太清楚。問到可有影響拍攝進度？他說：“有影響的，因為公司多年來都係外景接廠景、廠景接外景模式拍攝。現在外景已停止，未知幾時會拍。冇辦法，因為廠景間中會有小朋友出現拍攝，劇組已盡量先拍小朋友的鏡頭。這套劇原本預計五月初煞科，但依家一定冇可能，我之後的工作都要順延。”

談到年底《白色強人2》的拍攝計劃可有受影響？他表示希望屆時疫情已過。他又說：“我父母之前間中會出街食飯，呢段時間都好少出去。我就日日在公司餐廳食飯，因為每張檯只可坐四人，上次五個人去食飯，都要分為兩個或三個坐。”