簡淑兒預告色誘蕭正楠

簡淑兒前日現身為古裝新劇《一笑渡凡間》開工，預告要拍攝一幕除衫大露背色誘蕭正楠的戲份。問事前有何準備？她笑說：“古代好簡單，除衫撲埋去就得。之前有跟陳婉衡做運動，都有練過背部線條。”

簡淑兒表示自己首次演古裝劇：“角色很有挑戰性，劇中會有四至五個造型，更要由忠演至奸，最後更成了妖女。”早前無線有員工確診，但簡淑兒表示開工時不能戴口罩：“我會特別小心，回家後立即進行清潔同自我隔離，不敢怠慢，因為同住的家姐之前做過肺部手術。我已幾個月冇同家姐食飯，傾偈都要戴口罩。”

新冠肺炎全球蔓延，她表示比較擔心遠在紐約的家人：“父母、家姐同妹妹都在紐約，家姐在當地做護士，佢工作的醫院都有接收新冠肺炎病人。家姐要照顧病人，又唔夠防護裝備，收工後都唔能夠返屋企見個女，所以我都好擔心。之前有寄口罩同面罩畀佢，每日都有聯絡溝通。我有叫爸爸媽媽唔好出街，雖然當地華人社區防疫意識已較好，但爸爸都話怕戴口罩出街會被外國人歧視，就算家姐係護士，之前亦試過戴口罩出街被人舉中指。”