連詩雅自揭與男友分手

連詩雅(Shiga)前日在IG曬出索爆三點式泳照，並寫道：“好想去海灘游水、玩SUP！睇返舊相當去咗。保持好的心態，我哋加油！”

看似心情靚爆的Shiga，原來正經歷人生低潮，日前她向傳媒透露與男友徐浩已經分手。據悉早於去年底，兩人已達成共識，和平分手，回復朋友及音樂夥伴關係。Shiga談及結束三年多的感情時更一度落淚：“我哋分開咗一段時間。（係咪好傷感？）我覺得每段關係要結束時都係傷感的。”

Shiga多首熱爆歌如《舊街角》及《I'm Still Loving You》皆是由徐浩創作，兩人當初由多年朋友昇華成為戀人，分手後再復合漸見高調，如今又回復好友關係，唯一不變的是彼此仍會互相支持。問到對婚姻有何看法？Shiga只覺得婚姻與她愈來愈遙遠：“我覺得婚姻或者一段關係，有時係需要有接近的睇法才可以繼續行落去。一段關係要一齊後才可以完全了解到對方，但當發覺對某件事睇法唔一樣、或者好難搵到個位大家都認同的話，其實好難再去講結婚。”