毛舜筠難忘裝胸拍戲好委屈

何嘉麗主持的ViuTV節目《金像女情》最近一集邀請到毛舜筠任嘉賓。毛毛談及數十年的演藝事業，由最初外界以為她只識演文藝片到後來大拍喜劇。

毛毛說當年第一次拍喜劇就遇上周星馳，日日對住他，很快便投入。她最難忘當年與周星馳拍《情聖》時的一幕：“要我裝40 F胸，要塞入很多個胸圍，我都唔介意，因為講我妒忌葉子楣，但要我仆倒喺書檯，胸前插晒筆，之後好多人行埋來，喺我呢個位（胸前）將啲筆郁吓郁吓，我就覺好委屈，好似畀人上下其手侵犯咁，而且大家眼光都注視我嗰度（胸部），好唔舒服！”毛毛話抑壓的情緒當回家後就爆發，大喊一場。不過，之後電影上畫時，她亦感受到這場戲好有喜劇效果。

環顧現今影壇，她可有看好的喜劇演員？毛毛即時想起王菀之，讚她有節奏惑，是好聰明、好特別的女演員。