曾若華喜歡當MV導演

曾若華(Jude)日前接受娛樂新聞台節目專訪，大談推出新歌《零分》感受。

連續推出兩首慘情歌，Jude說：“搞到好多人問我係咪成人畀人飛？其實係同一個人。感謝可以從呢段感情中得到靈感。”她又說覺得寫廣東歌有難度：“以前我在英國讀書生活，初初返到香港時仍掌握唔到，覺得我的旋律同廣東歌詞格格不入。但這幾年聽多咗廣東歌，我亦花咗好多時間去研究。”

談到做導演拍MV，Jude說：“我好鍾意拍MV，以前係讀攝影，入行唱歌後再影響我重新接觸。今次拍《零分》好辛苦，但學到好多，最難係要自導自演，要分身。記得之前幫連詩雅拍《說一句》歌詞版MV，當時我仲未入行，佢其後都有講返，覺得初初見到我時有點擔心，問呢個妹妹仔係咪真係識拍嘢？好彩之後佢覺得效果好好，所以去年再搵我拍《過來人》MV，希望將來更多人搵我拍MV。”