李亦喬疫境下守住麵店

“牛雜妹”李亦喬(Monnie)日前接受香港開電視主播馬梓軒訪問，她表示與家人於元朗經營麵店十七年，受新冠肺炎疫情影響，加上政府對食肆的防疫新措施，生意面臨前所未有的考驗：“舖頭全盛時期可以坐滿十一檯客，外面再加六、七張檯，但依家多數時間都拍烏蠅，有時全日得幾檯客，少了八、九成生意。”

雖然麵店經營困難，但Monnie稱不會輕言放棄，當中亦令她感受到一份人情味：“因為我哋做咗好多年，業主好好人，租金可以輕微下調。舖頭主要員工亦係屋企人，加上來貨都係由爸爸親力親為去街市買回來，所以減省好多開支。一家人齊心合力，舖頭暫時都頂得住！”

疫情嚴峻下，Monnie亦肩負重任協助家人張羅口罩，她說：“前段時間口罩真係唔夠，因為我屋企一家九口，加上父母每日在舖頭工作十幾個鐘，都想佢哋定時更換口罩。所以單單屋企人用量都好大！感激好多朋友幫我搵到口罩，解決燃眉之急。”