國乒揚威第一人

六十一年前今日，乃中國人在國際體壇吐氣揚眉之日。第廿五屆世界乒乓球錦標賽，初生之犢容國團勁撼匈牙利老將西多，勇奪錦標。中國首獲世界冠軍，震驚寰宇，洗脫東亞病夫之名。

香港仔容國團，祖籍中山南屏（今珠海），父為香港海員。幼喜乒乓，唯家貧輟學，早當童工。卻天資聰頴，球技超群，廿歲即奪全港乒賽三項冠軍；同年，一舉擊敗訪港的新鮮出爐世界冠軍狄村，威震乒壇。

因拒香港乒總要佢打假波以讓南華隊在港賽奪冠，被拒參加亞洲錦標賽。佢憤而北上廣州，追求理想，受訓於廣州體院。一九五九年，廿五屆世乒賽於西德舉行，容國團受命出征。

面對強敵，國家隊幾乎鎩羽，得佢碩果僅存。奪標路上遇着匈牙利名將西多，百八磅大肥佬，畀佢打到氣累氣喘。乒乓此物，似上天為容國團而設，佢越打越勇，終完成驚世之舉。惜六八年文革蒙冤自盡，年僅卅一。

西門公子