王梓軒赴美進修缺防疫物資

面對美國最新頒佈的禁足令，個多月前飛到洛杉磯進修演藝課程的歌手王梓軒，表示因疫情關係，課程早已改在家中用電腦軟件Zoom上堂，除了到銀行及超市外，他都乖乖留在家中。

梓軒透露二月初抵達洛杉磯後，已經四出去撲口罩及消毒液，卻失望而回：“當時我去咗十幾間超市同便利店搵消毒洗手液同廁紙，口罩就更加買唔到。依家戴的口罩都係之前在日本買的，呢度一個口罩都買唔到，因斷貨已兩個幾月，所以外國人都唔會有口罩用。”

在外抗疫的日子裡，梓軒表示每星期出去一次超市買食物，其餘時間都係留在屋企：“上個星期人們搶晒一個月的貨，超市好多新鮮食物同罐頭都冇晒，得返急凍食物，意粉都係得返一包，所有廁紙、廚房紙都冇晒。”他示每次外出都會戴口罩同手套：“搵咗好多間超市，終於有一間有消毒濕紙巾，我都係買咗兩包，留返啲貨畀其他人買，廁紙都要慳住用，每次都係用一格，依家想買消毒物品好難。”