一哥下次記招宣佈澳疫情結束？

相隔個半個月，行政長官再度舉行記者會宣佈重大抗疫措施，特首賀一誠形容“大件事”他才會召開記者會，希望下一次召開記者會時是宣佈澳門疫情結束，“唔使戴口罩！”

“大件事”特首出馬

衛生局長前日於應變協調中心例行記者會預告翌日特首舉行記者會宣佈新措施，除了新措施內容成為焦點，防疫工作以及經濟影響亦備受關注。

記者會甫開始，特首開門見山，向市民保證不惜任何成本全力做好防疫工作，面對經濟下滑、失業率上升等居民關心的問題，一哥更派定心丸形容“一定承受得到”。

近兩句鐘的記者會上，賀一誠回應逾二十條提問，除了政策宣示，更多直面近日坊間爭議，例如香港有沒有通報新入境措施、留學生及家長大鬧機場事件、社會對部分隔離酒店選址的憂慮、工商界加碼援助的訴求等，直話直說，全接地氣，例如他以自己商人出身的經驗，點出做生意有政府“兜底”就不是做生意：他對大酒店猶感失望，呼籲六大博企思考社會責任、要過“大考”等。有網民在社交平台上留言：特首講咗我心底嗰句。

傳媒提問唔使背稿

記者會尾聲，有記者更引述不少網民對特首召開記者會表示安心，賀一誠感謝市民關心，但指自己出來一定是宣佈措施，“我二月四日出嚟係閂賭場，今日出嚟我要行呢個新嘅措施，我希望下次出嚟我宣佈大家剝口罩、唔使戴口罩！澳門已經完成（結束）晒所有疫情，呢個我最開心！”

賀一誠指每日透過應變協調中心例行記者會了解傳媒提問，又點名讚揚官員解答得很好、不畏言地回答，“我哋同事同我一樣都唔係好多睇住個稿同你哋背書，佢哋都心中有數”。

神隱背後指揮抗疫

他又解釋並非因其他原因而不出來見記者，指自己一直關注疫情發展，為澳門經濟復甦做應有、應做的工作，又坦言自己見記者無任何壓力，“我冇嘢怕”。

因應疫情發展，防疫措施變化大，但賀一誠更強調，新措施所作出的批示不是因人而設，透露“（歐陽瑜）司長個女都係歐洲返嚟、佢都等咗十三個鐘頭先返到房，點啫？司長自己分管呢樣嘢，佢自己有冇照顧到自己細路仔呢？冇！大家一視同仁！”