李施嬅順利返港

李施嬅昨日黃昏現身香港國際機場，一臉喜悅地步出閘口，隨即接受測量體溫及戴上電子手帶，隨後返家接受十四日隔離。

新冠肺炎疫情全球爆發，多國實施強制隔離及國際航班停飛，令唔少人滯留外地。李施嬅原本到加拿大拍攝新劇《血與水》，但受到疫情影響停拍，她亦被迫放假。前日她輾轉到了溫哥華，昨日凌晨在網上報喜，表示終於搵到機票返香港。在酒店停留期間，施嬅亦有抽空於IG上載短片，為大家直擊當地人防疫情況。

李施嬅昨日戴上黑帽、口罩，心口掛有迷你空氣淨化機，左手佩戴追蹤手帶，推住行李步出抵港大堂，向傳媒展示家居檢疫的相關文件。施嬅表示現在才鬆一口氣：“等機票等了一個星期，幸好前晚收到好消息，可以即時改機票返港，又唔使捱貴飛。”問到檢疫過程順利？她指半小時內完成所有手續：“有交健康申報表、有檢查我的地址同電話係咪正確。（機上有去廁所、食嘢？）冇，自己帶咗支水樽用飲管飲水，上機就消毒座位、有戴眼鏡、瞓覺戴眼罩，再用被笠住自己。落機拎行李車都有消毒，好安全！”

施嬅表示返到屋企就進行家居隔離十四日，所以不能出席接下來的劇集宣傳，又笑言未準備好隔離用品：“廁紙都未買，乜都冇準備。好彩香港叫外賣方便，餓唔死嘅。（留在屋企做咩？）可能做吓運動。”