抗疫二波勁首波

各行各業受重挫

陽光總在風雨後

戰勝病魔解困憂

全澳抗疫，收四十日全清佳績。惟世事難料，輪到歐美大爆發，海外學生回澳避疫，二波勁過一波，打回原形。

抗疫期間，賭場關門半月零收入，眾多行業成重災區，難為手停口停打工仔。汽車銷售行業同受重挫，除去年訂車近月取外，生意幾乎近零，街上鮮見掛紅牌新車。

疫情殺埋身，少出門逾月，人都困到癲，市民點有心情睇車、買車。此番疫情反彈，仿似一盆冷水照頭淋。有實力車行，吃老本，撐得住，但汽車銷售額降，始終有壓力。

疫境求存，營商者轉趨積極。有新車到，點都要宣傳。故而，近日多了些新車陳列、測試，車迷大可參觀，一散悶氣。

各行各業受衝擊，幸政府有序應變，起碼市民毋愁口罩，紓困措施暫解燃眉之急，只要市民團結抗疫，澳門或無大問題。相反，海外華人境況堪憂，遭受歧視傷害，外國種族思潮再起。俗語話“唔好大教壞細”，“特冇普”當中國爆疫時暗暗嘲笑，及後假仁假義讚中國控制疫情做得好。到花旗國爆疫時，卻老羞成怒指責受“中國病毒”所累，大肆污名化，藉抗疫不力卸膊，轉嫁中國。那個“肥佬蓬”，更到處指責中國播毒，煽動種族仇恨，一眾全無道德，厚顏無恥，是花旗國歷來最拙劣的執政者。

二○○八年，花旗國爆發金融危機，花旗佬乞求中國幫忙買國債，中國與人為善，購買大量國債，助其解困。如今，此等人忘恩負義，品格超低，完全靠唔住。相反，中國抗疫之餘，還助意大利等多國抗疫，秉持人類命運共同體理念，贏得國際讚譽。

陽光總在風雨後，中國抗疫成功，也希望各國齊心合力，消滅病毒！

羅倫斯