賞櫻路合擺明有計

今日上演六場草地賽，無外地馬轉播，場面平淡。各場形勢“立立亂”群龍無首局面，賽果爆冷可料。馮耀正廄近期頻頻贏馬，連續三期起孖或中三元，刻下氣勢正盛。今仗出馬不多，個別屬爭勝分子，但當紅馬房仍堪重視。另路人馬賀蘭杜夫屯重兵，今仗擺明要搏殺。

賀蘭杜夫今季成績不差，迄今已取二十一場頭馬，成績乃近年最佳。練者一向喜歡草地搵食，沙地鮮有佢分。今仗九駒列陣多屬精品，交愛將恩利克操刀擺明搏殺。此子騎功夠分量，倘交到功課，可替馬房起孖，不妨吼緊。

第三場：一二班千五米。“超群出眾”上仗同程贏馬，中野省吾騎來出色。馬匹亦有大幅進步，季內漸趨成熟，愈跑愈好。拚後復課再磨，狀態比上次更佳。勝後小休又來，續跑千五米尤合腳法。易配恩利克戰鬥力陡增，憑人強馬壯可再下一城。

第四場：二班千八米。“賞櫻”上仗千五米騎者未盡情發揮，落敗唔奇。拚後重新打磨再來，今次重返勝途跑千八應不同估計。“賞櫻”路有專長，現居班次已佔優勢。幕後起用恩利克擺明有計，可取作重心看待。

第五場：二三班千二米。“拳王”季內已取兩勝一位，演出雖時價不同，但本身實力不弱，現居班次亦夠周旋。連敗旨在減分，今次唞夠重來，續跑同程合脾胃。強配用恩利克配搭完整。此駒跟得鬥得，千二米乃最佳出路，今番路合檔佳，憑騎者功架可勝回一局。