比心機爭季內三捷

今日淨跑六場本地馬，外地馬暫停轉播一次。是仗在移欄四米草地角逐，頭場兩點正開跑。綜觀大局，各場出馬稍增，十二匹場合形勢緊湊。混戰局面，暗藏殺機，賽果容易爆冷，投注執生。騎師中野省吾停賽，其餘原班人馬上陣。

筆者心水推介，第五場二三班千二米，馮耀正廄“比心機”可做馬膽。此駒季內兩捷後評分調高，再出未有突破。上仗同程後追不及跑第五，雖敗表現不差。拚後原程再戰，余健雄人馬夾檔，睇高一線。

“比心機”四歲馬外地用得少，來澳後適應此間環境較快。初出同程即開齋，及後轉戰沙地又贏一場，反映馬匹場地性能廣泛。連捷後評分上調，近兩仗無功而還，但評分稍減且回氣。今仗撚好再來擺明要砌。此駒早熟兼具好速度，狀態長期保持得好，欣逢路合檔佳，憑余健雄駕輕就熟，可爭季內三捷。