暴風女神可爭連捷

馮耀正近期攻勢不斷，上仗又起孖寶，目前頭馬已增至二十八場，排名續領風騷。今挾起孖氣勢再臨，全晚多匹精品列陣，當紅馬房可看重。

馮耀正季初成績一直帶頭，踏入季中頭馬數字節節上升，現拋開賀廄七場頭馬，續擴大領先優勢。馮廄近期攻勢浪接浪，馬匹表現水準穩定，搏殺亦得心應手。廄主乃前屆盟主，今季馬房整體實力有增，可否重拾冠軍，雖言之尚早，睇環境機會亦高。今仗派六駒參戰，憑近期當旺氣勢，可添頭馬。

第三場：二班一○五○米。“暴風女神”上仗贏同程易如反掌，馬匹表現復甦。此駒跟得鬥得，跑沙地路有專長。拚後小休重來，續由鮑羅素熟手操刀深慶得人。今仗路合班宜，憑人強馬壯，可爭連捷。

第五場：六班一三五○米。“浩勝星輝”季內在沙地短途開齋，走勢不斷進步。質新馬未見底，料全熟後居五班夠實力周旋。上仗高君濤放至埋門始敗，此番轉跑千三米應合腳法。論馬狀態保持得好，今易配安萬堯操刀，遇同組對手無多，形勢大好，有權一網打盡。

第六場：四、五班一五一○米。“好運先生”上仗一三五○米埋門挫勁敵，贏來生氣勃勃，令人刮目相看。此質新馬實力未盡露，演出有長足進步。拚後再磨，馬匹狀態勇冒，今番原配恩克操刀擺明要再搏，增跑千五米料更合發揮，憑人馬合拍，可再下一城。