承讓班利擺明要搏

澳馬戰火重燃，今晚上演六場草沙混合賽兼直播九場新加坡馬。頭場草地移欄四米角逐，外地馬打頭陣六點二十分開跑，本地馬頭場七點○五分響鑼。騎師陣容原班人馬上陣。綜觀大局，全晚出馬踴躍，十二匹角逐形勢緊湊。混戰局面危機四伏，賽果爆冷唔奇，投注要執生。

筆者心水推介，第一場四五班千二米，陳俊輝廄“承讓”可做馬膽。此駒上仗由中野省吾搏殺跑第三，未竟全功但馬匹走勢轉好。拚後易配高君濤再來，加強戰鬥力，擺明要搏，憑班利人強，可勝此局。

“承讓”季初馬雅贏同程後連敗六場，評分已減。上次出擊卻遲來半步，跑回第三表現已見復甦。此駒在澳拚搏較少，五歲馬實力未用盡。上仗有心攻堅跑得接近。拚後重新打磨，周內晨操由高君濤親自摸過，狀態有增無減。操足再來搏殺。欣逢落班遇弱旅，形勢逆轉，值得先考慮。