梅小青心痛心穎犯錯

四十年影視滄桑，捧紅不少藝人的金牌監製梅小青，獨得平生之秘——從來選角都好小心，首要條件有演員道德！天公開了一個玩笑，她退休告別劇集，卻選了黃心穎。這位視圈長勝長老是否選錯人？她響亮回應：沒有選錯！

“安心事件”後，大多評論搶佔道德高地，判心穎“死刑”，全無工作了……仍站在潮流浪尖的電視高層級監製，如何評價黃心穎的藝術生命生或死呢？梅小青見人所未見，敢人不敢言——

“我喜歡黃心穎！由《宮心計》開始，佢好甜，不做作，嗲亦唔過火。《法證先鋒IV》我好早就預佢一份，佢好快熟讀劇本，好快拿揑到我哋想要甚麼。可惜，發生呢單Case（安心事件），我好意外，好心痛。”梅小青黯然直白：“心穎一定是錯，本來是大好前途，現在受到很大懲罰。”

“生命冇Take Two！”小青姐用語驚人地鼓勵黃心穎。“這麼年輕應該再給她機會。”三、四個女演員中，才找來湯洛雯代替黃心穎那個角色。“靚湯也好甜，有激情，我要她減肥，似乎不太成功。我同自己講，我揀湯洛雯，並非因佢個樣，係因為佢可以做到我劇中角色的要求。佢同心穎唔可以比較，各有優點。”

吿別紀念劇集，選角特別愼重。“首先多謝四哥謝賢，我係佢小粉絲，當年去片場搵佢同蕭芳芳簽名。但我一直唔認識亦唔敢搵四哥，今回我臨別秋波，一定要搵偶像演出一角，經好朋友開口邀請，四哥很快答應。誰知開鏡記招第二日，四哥打電話畀我話唔做嘞，怕辛苦……一下子我嚇傻咗。四哥哈哈笑說：‘小青，我玩吓你咋。’四哥演出非常認真，服裝全出私伙。我哋冇傾片酬，畀一封利市作車馬費，初時佢唔肯收。總之，四哥時刻都散發出一股濃濃的星味！”

小青姐讚丈夫有慧眼，“家豪哥很早同我講，黃浩然好有演員道德。當年客串劇集，就算補拍手腳近鏡，他都特地返廠親自演繹。好喜歡佢，他是新一代演員榜樣！”嘩，金牌監製夫婦推崇備至，立此存照，拭目以待黃浩然突圍！

高 梁