多格雷史葛係狼人角色首選
英雄角色“狼人”讓澳洲型男曉治積曼(Hugh Jackman)走紅多年，他已經徹底和角色合而為一，戲迷想起“狼人”一定會想到他，可見此角影響力巨大。曾經有人爆料指曉治積曼不是首選，正選是英國男星多格雷史葛(Dougray Scott)，事後很多人覺得多格係傻仔，捉到鹿唔識脫角，錯過登上一線男星的機會。
近日，多格雷史葛終於為事件解畫，眾所周知當年他簽了約拍攝《職業特工隊2》(Mission : Impossible 2)，與“狼人”電影撞期，亦因為男主角兼話事人“靚佬湯”湯告魯斯(Tom Cruise)唔肯放人，直指《職2》已經在籌備進度，多格沒有可能推遲拍攝，言談中有些少怨言，最後又讚賞靚佬湯敬業，也認為曉治積曼演活角色，是好可愛的演員。
