壯志雄心穩操勝券

澳馬戰火續燃，今午上演六場草地賽兼直播十場新加坡馬。是仗在移欄八米草地角逐，外地馬打頭陣一點十五分開跑，本地馬兩點正響鑼。騎師陣容無變，續由原班人馬上陣。今日無盃賽，戲碼平平。綜觀大局，各場出馬多但形勢緊湊，混戰局面暗湧重重，賽果容易爆冷，投注要執生。

筆者心水推介，第三場二班千二米，謝偉豪廄“壯志雄心”可做此場馬膽。此駒季內無建樹，但連敗已減分。今番回配老搭檔恩利克操刀，人馬重逢宜另眼相看。

此駒同程有勝績支持，可算路有專長。季內連拚無功，但減分後回師二班作賽應佔優勢。上次高君濤主轡負頂磅落敗，今次復配恩利克可謂來者不善。騎者連仗摸熟知馬性，料今次發揮會更好。“壯志雄心”跑千二米最佳出路，欣逢路合班宜，穩操勝券。