林家謙享受攞獎時刻

創作歌手林家謙日前接受TVB娛樂新聞台節目專訪，大談成功由幕後走進幕前感受。

家謙表示最意想不到的是能夠拿到“勁歌”的獎項，他說：“好開心去年在四個台都有少少收穫，以電視台的唱作新人獎最估唔到，因為我在電視曝光唔算多，電視觀眾應該唔太認識我。今次係一個好好的肯定之外，亦令好多親友知道我拎獎。有件事都幾有趣，早排行山有人認得我，話我係唱《下一位前度》的歌手，唔再話我係作《矛盾一生》的。”

家謙表示自去年轉做歌手後，創作的確減少。他說：“上年的創作真係一隻手數得曬，係我咁多年來寫得最少的一年。上年要花時間做幕前、統籌同宣傳工作，令創作空間同靈感都大為減少，希望今年多返些創作。依家都開始習慣做幕前，唯一唔慣的就係上台唱歌。”