拍攝進度受疫情影響

鄧麗欣新劇取消咀戲

鄧麗欣(Stephy)參演的ViuTV新劇《男排女將》，前天在天水圍拍外景。鑑於新冠肺炎疫情嚴峻，Stephy透露為了“避炎”，原本戲中她與對手有一場親嘴戲的，現在都要取消。

前日，Stephy與顧定軒到天水圍為ViuTV新劇《男排女將》開工，很久未拍攝港劇的Stephy笑言：“呢兩個月閉關拍這劇，就係全新體驗。好耐未試過拍一套戲拍咁耐，通常喺香港拍電影最多都係一個月就完成；我入行第一年拍過電視劇，之後咁多年都冇喺香港拍過，一開始唔係好習慣，但係拍咗咁耐之後，慢慢同劇組、演員增進感情，大家好似一家人咁，我見佢哋仲多過見我媽咪，感覺好親切。”

談到最近香港新冠肺炎疫情嚴峻，Stephy坦言：“這場疫情對我們的拍攝進度真的影響不少。由於這部戲有好多時場景都係在室內運動場和公共地方拍攝，面對現今的疫情，這些場地已封閉，仍未知幾時重開。拍埋今日之後都會停一停，要等待有關方面消息。而且，身為演員，拍攝時一定不能戴口罩上陣的，（有沒有一些親密戲份都要改動？）有呀，原本要拍攝一場咀戲，但因為要‘避炎’，所以要取消。”

日前Stephy在社交網站發表示一則在學校場景拍煞科戲的貼文，當中有些字眼在社交平台引發網民熱議，Stephy對此表示：“呢個誤會真係大得嚴重，我自己都寫咗一篇文章去解釋。因為當時我係寫即時動態，喺文字上冇咁複雜，用簡單字眼去表達。因為戲入面我嘅球隊‘力圖’喺嗰個校園場地奮鬥同成長，我哋對呢個地方好有感情，當日係拍攝的第五十日，完成之後大家都好開心去慶祝，所以我就講咗幾句說話形容當時的心情而已，我都覺得要同大家解釋返，希望大家明白，唔好太多聯想。”