陳涵林與姜卓文互笠高帽

新人陳涵林早前專程由美國飛到香港，拍攝第二首個人國語新歌《當我變成我們》MV，老闆張可頤親自出馬，邀請好友姜大衛愛子姜卓文擔任男主角，張可頤更親自擔任製作總監一職。

當天由早上七時開工拍到晚上凌晨，姜卓文一直陪住陳涵林拍足十七個鐘，當晚氣溫驟降至只得攝氏十度，兩人卻要穿上單薄的夏天短袖、短裙校服在清水灣郊區一間學校取景。但兩人依然精神十足，沒有呻過半句辛苦或露出疲態，而且愈演愈好，大家都讚兩人夠專業，好有潛質做演員。

兩人在MV中飾演兩小無猜的中學生，首次合作相當投緣。姜卓文讚陳涵林：“好叻女！好似玩樂器咁，初初見佢完全唔識，但教佢玩一陣，就見佢愈玩愈叻。要演兩小無猜，開頭有點尷尬，但佢好快投入，好開心認識咁叻的歌手。”陳涵林對姜卓文印象也很好，連聲讚他：“好親切、又肯幫人、照顧我，又教我彈結他，係一個好男仔。”