李泳豪冇裁員唔減薪

李泳豪前日開工拍攝處境劇，談到在肺炎疫症肆虐下，不少食肆生意大跌，他的食肆生意可有受影響？泳豪表示旗下經營的兩間拉麵店、一間燒肉店，以及有份入股父親李家鼎的中菜館都照常營業，生意尚算頂得住。

泳豪透露幾間經營的食店都有跟業主商討減租，可有要求員工放無薪假或減薪？他說：“我冇考慮呢個計劃。”他又指鼎爺的食店設於山頂：“現正試業中，原定今個月舉行開幕禮，因受疫情影響而取消。雖然少了遊客，但多了香港人幫襯，終始大家都想唞唞氣，加上舖頭有露台畀客人休息，生意都過得去。”可有控制人流？他說：“唔使擔心人流太多聚集，因為拉麵店每日只供應一百至一百二十碗麵，想控制食品質素，賣晒就收工，而燒肉店係一人一爐。”

被問及舊愛楊思琦榮升第二任媽咪一事，泳豪聽到“舊愛”即說：“唔回應。”