李施嬅海俊傑拍咀戲有感覺

李施嬅及海俊傑前日接受無線娛樂台專訪，大談合作拍攝《法證先鋒Ⅳ》及推出合唱歌《二次緣》的感受。

近二十年冇拍TVB劇集的海俊傑，透露開頭有點緊張：“可能之前我在內地拍劇多，有時無啦啦用國語講對白。”施嬅說：“可能佢少拍談情戲，我叫佢放鬆，唔好咁緊張，連佢老婆都叫佢愛我多啲，去年情人節仲叫我哋出去拍拖。之後大家越拍越有默契，最後那場咀嘴戲，大家都有感覺。”

海俊傑就大讚施嬅唱歌好聽：“佢對今次錄音好着緊，一早已經約好去我屋企練歌。佢將份歌詞搞到好似份劇本咁，做晒功課，寫到花晒。”施嬅說：“我好緊張呀，錄音前去搵過幾個老師學唱歌，又問歌手攞意見。但監製伍樂城叫我全部放低，佢幫我搵到另外一把聲音出來。”