巴黎拍戲老公探班

溫碧霞享受家庭樂

溫碧霞新年到了峇里島度假，返港後隨即飛赴巴黎拍攝新片，更獲老公及囝囝專程探班，一家三口四圍觀光，享受家庭樂。

溫碧霞(Irene)在巴黎拍攝的首部法國電影《Happy Night》，她老公Kenny與囝囝Xavier在巴黎時間上周五專程飛到巴黎探班，送上驚喜。孤身在外地拍戲的Irene，見到兩父子出現後，甜到入心。剛完成煞科戲的Irene恰好趁這幾天休息，一家三口在當地享受了幾日家庭樂。

煞科當日， Irene與劇組人員都表現得依依不捨。Irene表示大家相處十分愉快：“大家教我講法文，學了好簡單幾句打招呼問好、多謝。呢部戲全部都係法國演員，但都係講英文，其中有一位法國演員的中文超叻。導演穆斯塔法(Mustafa Ozgun)及部分法國演員好鍾意中國歷史，覺得中國係一個好特別地方，又好鍾意中國人臉孔。”

一臉幸福的Irene難掩興奮，甜到漏咁講：“Kenny同Xavier特登飛到巴黎，我剛好正在拍煞科戲。佢出發前兩日才通知我，話飛過來探班，好開心呀！剛好拍完戲有幾日休息，時間剛剛好，有小驚喜喇。可以一齊玩幾日，因為香港停課，Xavier不用返學，過來巴黎都好，呢度好舒服又唔使戴口罩，陽光氣溫及空氣都好好。”

Irene透露與老公、囝囝一家三口四圍觀光，享受幾日家庭樂後，會繼續留在巴黎工作及出席Dior時裝騷。