黃浩然歡迎黃心穎約見面

黃浩然因為在《多功能老婆》中成功演活渣男角色而人氣急升，而他主演的另一部大製作《法證先鋒Ⅳ》亦正播映，收視報捷。他日前接受香港電台《舊日的足跡》節目主持車淑梅訪問，大談近況及工作目標。

黃浩然坦言人生轉捩點是當年遇上師父杜琪峰，並參演了電影《十萬火急》，從此踏上星途。可惜他入行後，香港電影走淡，他轉戰電視圈，更慢慢擔當男主角。浩然對最近熱播的《法證先鋒Ⅳ》寄望甚殷，他雖然在電視台從未得過大獎，但非常感恩曾嘗試演過很多不同角色。問到對該劇黃心穎的戲份要重拍會否感到可惜？浩然表示：“當時都擔心套劇出唔到街，幸好有三個好彩：好彩公司畀咁大資源重拍呢部分；好彩所有演員都有期；好彩我未剪短頭髮可連戲……其實同心穎合作好好，係好愉快嘅經驗。”他又說：“依家由湯洛雯補上，我爭取同佢排戲，仲喺去台灣拍外景嘅前兩日，我哋排晒戲先出發，現場一氣呵成，其實阿湯都好有經驗。”

談到黃心穎早前已返港，浩然表示如果她要約他們隨時歡迎，相信她可以復元到。

浩然在電影圈也有情意結：“希望師父杜琪峰唔好咁快退休，我要做佢一套戲嘅男主角。另外，六年前因大病失掉《張保仔》主角之後，我更加明白家庭與事業取得平衡仲未足夠，要家庭、事業同健康三線並行先算成功！”