林德信新歌MV老竇助陣

林德信(Alex) 日前接受TVB娛樂新聞台節目專訪。談及其新歌《愛沒有理由》MV邀請父親林子祥客串拍攝，Alex說：“初時有一刻想抗拒，好怕畀人覺得做乜又搵爸爸幫手？但因為劇情需要有一個鏡頭變老，咁要花錢請化妝師、又要時間轉妝、又要買假髮，為慳錢計，我決定搵爸爸客串。”

談到成為獨立歌手的感受時，Alex說：“今年想在音樂上做多些作品，因為音樂令到我自信同有安全感。我決定做獨立歌手考慮了好耐，知道有困難，但好想試一試。依家多了好多自由同時間，一得閒就行動。”有冇諗過同爸爸在音樂上合作？他說：“其實我同爸爸一齊造歌錄音比較少，因為佢要清晨七、八點鐘錄音，就有點困難，真係想像唔到，希望未來可以同佢一齊創作音樂。”