蔡義武復課落力操馬 秋雲人馬重逢必盡拼

疫情稍緩，政府部門前天恢復上班。澳馬場停賽多期，本周六開始復賽。今次兩日夾埋一日跑，共編十場沙草賽事。因各廄大批馬報名，每場出馬爆棚。昨天主課期晨操如常，收操後有六組試閘，參試馬踴躍，各廄磨刀霍霍，以迎接周六復賽。澳馬偃旗息鼓逾三周，無馬跑令人熱情冷卻，尤其騎練靠贏獎金，手停等如口停，本周復賽可算喜訊。華將蔡義武晨操久無露面，此子昨朝復課替多駒試閘。原來蔡義武於新年期間患感冒，在抗疫期間到醫院看病要接受嚴格檢測，並在醫院隔離一晚，經查明無患肺炎才離去，但要在家中隔離十四天，昨日期滿才“放監”。此子隨即復課兼試閘，以增個人狀態。

蔡義武前季由牌仔升格自由身，雖無減磅優惠，仍取得不俗成績，上季摘取十四場頭馬排名前八，是近年最佳成績。此子陣上有拼勁，座騎冷熱照砌，論鬥志不遜任何同儕，故受練者歡迎。王君適乃騎師出身，一向識得用人，今季同蔡義武合作已取兩勝七位，兩人拍檔亦搵到啖食，今周馬場復賽，適廄即提供戰駒予蔡義武搏殺。旗下“秋雲”報跑二三班沙地千六米，此駒今季用蔡義武已取一冠一亞，上仗一五一○米出閘搶放，惜放至埋門屈居“奔臣”腳下，人馬表現夠夾檔。今次蔡義武復出取回此駒策騎權，可見對馬匹夠鍾情。“秋雲”沙地特佳，休後蓄銳而來，復跑沙地尤合發揮，加上騎者餓馬多時，料必拼無疑，賽日不妨看重。