首度攜手岑寧兒台北開唱

林二汶非一般演出

份屬好友的林二汶與岑寧兒，日前首度攜手於台北舉行演唱會，並找來香港樂隊“小塵埃”擔任暖

場嘉賓，超班友情令演唱會變成非一般的演出。

林二汶與岑寧兒(Yoyo)過去曾合唱過《銀髮白》一曲，同台演出的機會並不多；但由於兩人是知心好友，所以特別構思了本月四日在台北舉行的音樂會，在籌備至完成都特別落力的Yoyo，笑言是因為“真係想一齊玩”。

兩人份屬好閨密，有高度默契，所以二汶與Yoyo今次刻意構思了全程同台的歌單，合唱作品更佔大多數。Yoyo解釋道：“我們想這個演出可以兩個人由頭到尾都在台上，合唱歌甚至多過獨唱歌；即使獨唱時，二汶都可以在台上搖沙錘打節奏，或者我幫佢唱和音，做出一個兩個人好融洽的表演。”

雖然二汶與Yoyo的音樂風格截然不同，但因為早就十分熟悉對方的作品，所以省卻了磨合的時間，可以將心思花在揀歌排流程等其他事情上，令音樂會更有睇頭。音樂會的另一特色是用上了Yoyo在台灣的“御用”樂隊，對此二汶感到格外興奮：“上次在香港睇Yoyo的演出已好鍾意佢隊Band，今次真係可以同呢班音樂人合作，我又學到更多。她的音樂真係做得好好，所以今次特別開心。”

對於能與好友一同演出，Yoyo用了“安心”兩字來形容在台上的心情：“有擔心過用國語表演，二汶會表現陌生，因為怕要諗多兩拍才知點講，就冇平時咁好玩。但結果係唔會，同平時差唔多咁自然。加上二汶講說話好叻，我就算由頭到尾唔使出聲，佢都會諗晒成個騷歌與歌之間要講乜。佢又好識控制一個演出的氣氛，所以好安心。”二汶則以“默契”來形容：“因為我們太好朋友，就算傾偈都可以有好多火花，我同佢可以無所不談。音樂上，只要大家講上半句，對方都會知下半句想講乜，呢種默契同友誼真係唔多見。”

今次演出找來小塵埃擔任暖場嘉賓，二汶與Yoyo都十分感謝Pollie與Jonathan的越洋撐場！Yoyo說：“我好開心可以分享這個舞台，原來Pollie係第一次去台灣，見到佢演出後好感動又喊，呢種第一次的心情我都好熟悉。雖然只係唱幾首歌暖場，但都係一個好有意義的開始！”二汶也表示小塵埃應該要多去台灣跟樂迷見面。