迫家人留港宅居煲劇

張達倫澳洲吃喝玩樂

藝人張達倫早前與家人去了澳洲悉尼旅行，他透露在當地只能買到小量口罩同消毒洗手液，也幫香港家人朋友買了小量口罩，因當地也難搵到。

張達倫透露這次去澳洲享受家庭樂之餘，主要睇吓大女將要入讀的學校，順便比較一下不同學府收費。他說：“知道澳洲的教育也不錯，先睇吓有冇適合囝囝讀的學校。去過好幾間學校看，有諗過會唔會適合囝囝，因為希望他在學習過程上都係開心快樂的。”達倫亦透露行程中一有時間，就由親戚帶路去參觀不同的房地產；“自己都睇到心郁郁，因為地方大，可以讓囝囝通屋跑，而自己又可以放置心儀的家私。”

達倫此行還有另一個目的，就是探望多年沒見的親戚和朋友；“我有個表弟移民去了澳洲，佢間唔中都有寄些生活照給我看。今次我親身過到去，約了他們一家食飯。佢來接我，我差點唔識得佢，因為依家佢仲高大過我，與睇相時判若兩人。佢都有帶我哋去食中西餐，食咗好多唔同款式嘅菜，又牛扒又龍蝦，每日不停咁食，比起我由香港過來時重了幾磅。不過出去玩係要盡量開心，返到香港再減肥啦。好享受澳洲的陽光與海灘，心情特別舒暢！”

達倫有份參演的電視劇《黃金有罪》及《大醬園》正播放中。他說；“媽咪每天問我澳洲情況之餘亦要我劇透，現在香港疫情嚴峻，大家都不宜外出，正好叫媽咪及屋企人多留在屋企支持我的演出同睇劇，大家外出時也注意清潔。”