趙慧珊跳舞拍MV傷腳

女子組合Super Girls隊長趙慧珊(Aka)今年繼續“單飛”推出新歌，鼠年首隻派台歌《到底之後》近日推出。歌曲講述人生遇到困難陷入絕境時，不如嘗試果斷地抽身而退，接受事件的完結。即使過程痛苦，總比停在原地繼續折磨自己好。正如歌名一樣，去到谷底後就能看到曙光，有另一個新的開始。

日前Aka為歌曲拍攝MV，除於室內拍攝外，Aka還到郊外取景，其中一幕更爬上一棵大樹，Aka表示：“第一次爬到咁高嘅樹上拍攝，其實開始時都幾驚，因為未試過爬樹，但最驚唔係因為高，而係樹上嘅蟻，樹上有好多蟻，當我撐上去時，整死咗好多蟻，所以真係對佢哋唔住。”

為了要營造谷底的感覺，Aka特別於凌晨時分到西貢的樹林，還把早前於韓國學的舞技於MV中展現，不過拍攝時她卻遇上意外整傷腳，她說：“當時我擔心會骨折，好彩唔係，第二日全日行路都痛，以前都未試過。”

提到歌曲講人生困境，Aka坦言亦曾遇過，故想將經歷分享給大家。