過年做瑜伽操弗身材

謝安琪進軍時裝界

新年過後，謝安琪宣告為高端運動時裝品牌客串設計師，與品牌攜手推出以Kay命名的系列服飾，希望繼續鼓勵大家好好閱讀自己、探索生命。

剛過去的農曆新年，謝安琪(Kay)表示自己留港度歲，每日做運動健身：“新一年希望大家都身體健康！呢排天氣比較反覆，我每日在家也有抽時間做瑜伽和簡單的負重運動，希望可以好好鍛煉身體。”

談及今次為品牌擔任設計師，Kay笑言今次係絞盡腦汁設計：“我好滿意去年的演唱會，所以今次系列亦決定沿用演唱會主題作為設計概念。除了保留運動服裝的基本元素，在設計上亦花盡心思。我今次參與度都好高，由概念、起稿同揀材料都關我事，不過我聽講我揀的 Earth Tone顏色，這個過百年歷史的品牌都冇用過，我仲以為佢哋一定拒絕我啦，點知全權畀我話事，希望帶到新感覺給大家！”

Kay 笑指滿意今次作品，希望未來有更多設計面世。她說：“今次設計重點係想有功能性又不失時尚感，所以新系列會提供很多襯衫讓大家揀，好似做完GYM後，隨便更換其中襯衫，就可以直接再去Shopping玩樂。其實平時我日常造型都會用唔同配飾點綴。所以下次再有機會的話，我想試吓設計手袋、頸巾、頭飾等等。”

Kay透露今次設計品係限量發售，每一件都係自己心頭好：“今次好多Product都係限量發售，聽講件數唔多，好彩品牌畀齊晒一套給我，否則我自己都要排隊先有得買！我自己就未諗過進軍時裝界，不過期待再推第二個系列，咁樣冇咁大壓力！”