菊梓喬鼠年想拍拖

事業騰飛的菊梓喬(Hana)，在剛過去的《勁歌頒獎禮》上再度蟬聯“最受歡迎女歌星”獎，被視為唱片公司的“一姐”，更被稱呼為“菊姐”。但她對這稱呼十分抗拒：“叫‘菊姐’，人哋就會聯想到關菊英，而且我仲未到前輩級數，亦唔係一姐，叫我喬妹啦。（宋慧喬？）唔係，我又未到佢嘅偶像級數，叫返我英文名Hana啦！”

春節期間Hana有三日假期，她表示最愛吃賀年糕點，如蘿蔔糕、年糕、煎堆及湯丸等。談到新年新展望，Hana表示都是以事業為重，她對上一首歌《但願人長久》距今都有一段時間，好想寫多些好歌，並且可以出張好碟。另外，就是希望可以身體健康。至於感情方面，她坦言年紀已不少，都好想拍拖：“但總唔能夠年晚煎堆，人有我有求其去搵個，拍拖都好講緣份的。”