許願不求連生貴子

駱胤鳴讚未婚夫優點多

香港歌手駱胤鳴（烙印）接受香港開電視《娛樂頭條E-News Headline》主持人馬梓軒的邀請，到大埔林村許願樹拋寶牒，祈求新一年身體健康、闔家平安。但她想多些時間與未來老公過二人世界，沒有祈求連生貴子。

經過五次努力，烙印第六次才成功將寶牒拋上許願樹，令她興奮不已地表示：“其實，我從未嚟過許願樹拋寶牒，之前過年我會去車公廟、黃大仙廟，一直覺得許願樹咁近自己屋企，唔駛特登去，所以咁多年都冇去過！”

烙印去年底接受圈外男友Kelvin求婚，將於今年十二月二十七日在港舉行婚禮。她最近亦不時在社交網站曬出二人的甜蜜合照。被問及未婚夫有何吸引之處時，烙印隨即數出對方三大優點：“第一係佢好細心，佢比我更似一個女仔！佢個袋一定會有紙巾、濕紙巾，甚至曾經有一段時間有衛生巾；第二係佢好識煮嘢食，呢樣真係令我好妒忌；第三係佢工作好認真，佢可以唔聽我電話同唔覆我訊息！我唔會嬲佢嘅，因為知佢真係做緊嘢，呢三樣嘢都好值得嘉許！”

烙印近來已開始忙於籌備婚禮，她坦言有很多細節要處理：“結婚真係好多嘢搞！例如姊妹兄弟人數、花車，最近又同咗未來奶奶睇酒店，每星期都有個目標要達成！至於擺幾多圍就未落實，但因為男家親戚多，同埋想邀請好多圈中好友，所以預計會有三十圍！”