庚子之年悲與喜

一年又盡，豬去鼠來。“時辰子為首，生肖鼠佔先”。子鼠丑牛，寅虎卯兔，辰龍巳蛇，午馬未羊，申猴酉雞，戌狗亥豬，天干地支，十二生肖又一輪迴。今乃庚子年，生肖屬鼠，新春大吉！

庚子之年，史上國人有大悲。一百八十年前，第一次鴉片戰爭。華夏長年閉關自守，國門倏爾被洋槍打開，自此國運日下。更大鑊者，六十年後，八國聯軍犯京，何止入國門，直頭操入紫禁城，如取如攜，更火燒圓明園。

槍炮臨門，冇價講兼要賠錢。翌年簽下辛丑條約，賠款之巨，其時國民四億五千萬，平均每人白銀一両，史稱“庚子國難”。列強收到手軟，乃至唔好意思，係咁意回返多少利息，國人得以“庚子賠款”而啟現代教育之始。

同樣六十年後一九六○年庚子，有新中國建國後最大天災，史稱“三年自然災害”。甄鑑既是天災，也是人禍，建國史上深刻也矣。然亦非盡見悲情，同年東風導彈發射成功，國人吐氣揚眉，鬼子佬開始打冷震。

西門公子