預告Twins合體拍劇

蔡卓妍雙料影后慶功

“阿Sa”蔡卓妍獲公司舉行慶功宴，同門藝人容祖兒、任達華、陳家樂、泳兒、衛詩雅、吳浩康、湯怡、鍾舒漫、洪卓立、許靖韻、彭秀慧、曾樂彤、李靖筠、楊天宇、周家怡、何佩瑜、郭奕芯及林麗詩等亦有出席。

阿Sa早前於澳門國際電影節及澳門國際電視節兩個頒獎禮中，分別憑電影《非分熟女》及網劇《PTU機動部隊》皆奪得最佳女主角獎項。為慶祝成為雙料影后及視后，英皇集團主席楊受成前晚為阿Sa舉行慶功宴。

阿Sa前晚帶同兩個獎座到場，雖然得獎距今已成個月，但她表示仍未有時間慶祝：“好耐都未試過咁多人一齊現身慶祝，大家都高興，知道心意就得。”得獎後的阿Sa依然好努力工作，透露將會到馬來西亞拍攝網劇：“呢個劇本係我覺得近年睇過咁多劇本之中最好睇的一本，好期待！預計會好好玩，因為有阿嬌（鍾欣潼）、關智斌、Jeana（何佩瑜），我會幾期待。”由於將要到馬來西亞投入拍攝，所以今年農曆新年，阿Sa會留港度歲：“會去老闆屋企試吓手氣，年年都一定要去，以往斬獲都幾高、幾多吓，老闆開心、我哋開心。”

祖兒於上周六順利完成音樂會，原來開騷當日，她的喉嚨突然劇痛。至於早前的膝蓋勞損傷患，祖兒表示仍處於康復狀態：“譬如我跳完舞就要即刻敷冰，敷完冰又要浸返熱水，令到血液循環。亦要盡量在演出以外遠離高跟鞋，都唔好太大動作。”祖兒的歐洲巡迴演唱會亦於年初一便正式展開，首站是美國拉斯維加斯，向來跟祖兒形影不離的母親則留港湊BB。祖兒說：“因為細佬生咗BB，佢都好想留多啲時間帶孫仔收利市、拜年。Mani亦會照顧佢、接濟佢呀，因為Mani逢初一、初二都大排筵席，會有發財蠔豉、鵝掌、花膠、海參等等，我屋企一定冇咁多嘢食，所以我就將阿媽交咗畀Mani。”

傷癒近半年的任達華最近頻頻做運動，狀態不錯，他透露農曆新年後便正式投入工作：“依家身體情況好好，開始跳繩又跑步。依家要選擇性做一啲運動，我好鍾意拎啞鈴，但係拎啞鈴就做唔到，因為膊頭都撕裂咗，所以慢慢來啦！我可以跑多啲步，過年後就會去澳門及馬來西亞開始拍戲。”