甄子丹與王晶合作無間

導演王晶與演員甄子丹前晚出席《肥龍過江》首映禮，甄子丹老婆汪詩詩攜子女到場，一家人合照幸福滿瀉。

甄子丹繼《葉問4：完結篇》創下票房高峰後，再推出賀歲檔動作喜劇《肥龍過江》，他說：“作為一個演員，我不想被定型，所以繼續自我挑戰。”談到再次與王晶合作的感受，子丹說：“我覺得晶哥其實好有潛能，唔好拍咁多屎尿屁啦！”王晶回應說：“呢一個圈只得兩個人叫到我做戲，一個係周星馳，另一個就係子丹。”有傳子丹將會演出王晶的《倚天屠龍記》，子丹也不否認：“我哋呢啲露一露面撐吓場，我同晶哥唔係講錢，不過佢會好均真，最緊要開心。”

當晚女主角之一的周勵淇因懷孕而缺席，問到子丹可有恭喜對方？他笑說：“一早恭喜咗啦，前幾日已經知道，我都早估到。（點解係估？）因為佢打電話畀我：‘丹爺，我有啲嘢同你講。’佢講到咿咿哦哦，梗係有啲嘢啦！拍緊戲時唔知佢有愛人，拍拍吓就有個愛人出嚟；拍完後我叫佢快手生多幾件，呢件係人生好重要嘅事。”