輝煌昇埋門贏得險

高而靜爆冷標尾會

上周六豬年送歲賽事，華將除余健雄憑“天域翱翔”贏馬，保持十連勝外，外籍騎師壟斷其餘場次。巴西籍騎師鮑羅素憑“進威星”、“大玩意”及“健而快”取得三W，成績一枝獨秀。此子來澳後首度中三元，排名升上第六位。季內倘減少犯規，料賽至埋尾可打入前三名。高君濤成績亦不俗，除“輝煌昇”贏馬外，尚有“高而靜”爆冷。前駒獨贏三倍，後駒有八倍，一口孖寶，豬年標尾會。李家輝馬房“輝煌昇”前次初出即勝，該仗何華麟跑千二米後上掄元。上仗此子因傷缺陣，“輝煌昇”交由高君濤出戰。騎者埋門挫敵，替馬匹取得連捷。“輝煌昇”上仗出閘包尾，但三扒兩撥跟住第五六位，入直路憑後勁險勝對手。此匹四歲馬乃早熟分子，論質不差，連捷後評分調高，居三班計落仍有可為，屬今季輝廄取分棋子，下次原程續戰或轉中距離仍堪重視。

高君濤另一頭馬“高而靜”出閘搶放，全程自造步速，入直路彈甩對手，以兩個身位輕取“佳運金”，贏來有點兵不血刃。跑完獨贏有八倍半，中者好分。高君濤熱人贏冷馬，有賴廄侶“廿四孝”搖旗吶喊，最後成三倍大熱只跑第三。“高而靜”自去年一月份贏完後久無建樹，上仗“豬尾”一戰終有頭馬見面。此駒上季用得多，練者部署馬匹回氣，故上陣多是減分性質。“高而靜”跑草地可適應，但沙地乃最佳出路，上仗負重一百三十一磅贏來輕鬆，可見馬有實力。下次吼準路數再來，可爭連捷。