宇宙奇兵搏盡求逞

今日豬年壓軸戲，上演四草兩沙混賽兼直播九場新加坡馬。本地馬頭場兩點正開跑，外地馬頭場一點四十五分響鑼。騎師何華麟續養傷，余健雄停賽復出。練者庄建設放棄牌照，旗下戰駒今仗最後一擊。綜觀大局，混戰場合較多，形勢兵兇戰危，挨近年晚搵食人馬蠢蠢欲動，投注步步為營，要小心選擇。

筆者心水推介，第四場三、四班跑千八米。庄建設廄“宇宙奇兵”可做馬膽。練者今仗最後一擊，跑完後馬房散倉，論鬥志應無疑問，可優先考慮。

“宇宙奇兵”質非太高，充其量三班貨色。上季屢拚未竟全功乃礙於遲熟。今季開鑼賽跑千八米爆冷開齋，可見同程特佳。賽前廄中人悉力打磨，晨操由黎昌全摸過幾課，狀態不差。此駒直路衝刺煞食，後勁可取。今復爭贏馬途程，庄建設從練最後一戰，必搏盡求逞。值得投以一票。