發財立品弘科創

諾貝爾獎，乃學術界最高榮譽，每年界中人爭崩頭，為求一獎，圖光宗耀祖，為國爭光。諾公以有限之資，建起學術界最高殿堂，百世留芳，喻為“最識使錢之人”。史家評曰：有的人死了，但他的錢活着！ 諾公乃化學家。當年有人已發明硝化甘油炸藥，唯極易爆炸，無法實用。諾公改良之，成今之實用炸藥，發了大財。更因利乘便，開設兵工廠，專事軍工。適時歐戰正酣，武器供應交戰雙方，佢則豬籠入水。 其軍工行徑惹來反感，適逢乃弟病亡，法國人以為係佢，幸災樂禍，報紙雞乸大字標題曰：“殺人者瓜老襯！”許是良心發現，愧對戰火下無辜亡魂，諾公立下遺囑，捐出遺產，設立基金，獎勵科創。 此議一出，瑞典國王呱呱叫：我國之財，豈可益他人？諾獎胎死腹中。難得幾個有心人，於諾公逝後仍堅持此議，盲塞國王終於開竅。百年間，諾獎已成國際權威品牌，為瑞典免費賣足廣告。

西門公子