王梓軒邀同事去日本玩

一連八場音樂舞台劇《利瑪竇》Part 2於上周日在一片掌聲中圓滿結束，身為男主角的王梓軒，透露《利瑪竇》將於七月換個方式再同大家見面，並將會與中樂團開音樂會。

《利瑪竇》尾場時，台前幕後難捨難分，但想到暫別半年後再見面，一身輕鬆的梓軒說：“我既唔捨得又一身鬆晒，《利瑪竇》由第一次綵排及公演、到第二次重演，差唔多有一年，中間亦都花了半年時間準備同演繹，期間同松哥、導演及台前幕後有好多故事同感情。每次演出都竭盡所能，亦見到觀眾感受到一份正能量同愛，我自己都不禁流淚，有好幾場一唱序幕，全場起晒身拍手，那一種共鳴感令我好感動。”

已有大半年未有放假的王梓軒，完成十周年個唱及《利瑪竇》演出後，終於可以鬆一鬆，放十日大假。梓軒搞笑謂：“我請埋同事一齊去日本，咁就唔會有藉口要做嘢，可以真真正正休息一下。”