尼古拉斯侯特今年有運行

曾經在電影《X戰警》(X-Men)電影系列中飾演英雄人物，靚仔男星尼古拉斯侯特(Nicholas Hoult)去年和《吸血新世紀》男星羅拔畢迪臣(Robert Pattinson)爭演電影《蝙蝠俠》的角色，雖然羅拔最後勝出，但輸一時唔代表輸一世，尼古拉斯將會效法“超人”亨利卡維(Henry Cavill)，會和“靚佬湯”湯告魯斯(Tom Cruise)合作拍《職業特工隊》系列電影，傳聞仲要係至少拍兩集，睇嚟新一年尼古拉斯真的有運行。

暫時未清楚尼古拉斯將會擔任甚麼角色，但唔少網友建議他可以學亨利做吓奸角，事關他一向靚仔有型，演奸角一定好有睇頭。不過他都有大把時間慢慢惗，電影最快都要明後年先推出，惗掂先演都未遲。