林奕匡拍MV犧牲大

林奕匡日前接受TVB娛樂新聞台節目《StarTalk》專訪，大談推出新歌的感受。談到今年是他入行十周年，林奕匡說：“有幻想過最美滿梗係在更大場地開騷，但亦有壓力，因為相對自己會有好大要求，例如台上要更成熟，台風、舞蹈、歌曲同講稿都要預備好多。我記得自己係九月出道，所以今年九月才是十周年，可以有多少少時間讓我準備。”

林奕匡去年一圓夢想去了美國進修音樂，新作品中更加可以學以致用。談到拍攝新歌《黑方格》MV時，他表示犧牲甚大：“知道晚上要赤裸上身拍MV時，決定唔食飯，避免肚凸凸。但當晚氣溫寒冷，冇辦法之下決定食少少，兼不停做運動保暖。最慘係要全身淋黑油，由於太凍，決定一拍完我就唔洗走黑油，直接開車返屋企。點知黑油乾晒，跌到成個地下都係粉，而我洗咗廿五分鐘都洗唔乾淨，要由頭再洗過。第二朝起身發現浴室玻璃同天花都係一點點黑色，結果要趁老婆未起身立即抹返乾淨，原來拍這個MV最慘係要抹屋！”