王梓軒添食再演《利瑪竇》

劉松仁籌備多年的音樂舞台劇《利瑪竇》在去年四月開演後，叫好又叫座。由今日開始添食加開八場。身為男主角的王梓軒，完成十周年演唱會後接住做舞台劇，幸好與女主角陳潔儀默契十足，信心大增。

今次《利瑪竇》添食演出，內容改了不少，對梓軒來說亦有一定難度。梓軒透露更換了三成多的卡士：“本來卡士有成五十人，換咗咁多人，好多內容都要重新彩排。藉住重新排演過程，我希望可以改良。上次係首演，好多都係僅僅夠時間搞掂。雖然故事大綱冇改，但係演出長度、對手關係上都有幾大改動，我覺得有進步係好，好感激整個團隊的努力。”

新的一年再演繹新的《利瑪竇》，對王梓軒來說是一個新開始，他希望在新的一年，音樂及戲劇都有不同發展：“有些在籌劃中，除了演出，都想試吓監製及製作作品。”