常山虎有力推翻一切

今午上演新年首戰，除本地七場草戰，並轉播十一場新加坡馬，全日戲碼不俗。圈中騎練輪流搵食，今日你，明日我，你估今日會開邊瓣？馬雅離去誰人代替佢地位，圈中人認為其鄉里恩利克可接棒，信不信由你。

恩利克今季表現唔差，現以十三W排次席，只落後余健雄五W。今季賽事還有八個月，誰可摘冠雖言之尚早，但恩利克騎功夠分量。目前策騎基地增多，季內倘保持鬥志，有力染指冠軍寶座。今日此子騎足六場，睇環境又有馬贏，臨場可跟風追捧。

第三場：二班千二米。“常山虎”同程戰績出色，季內進步神速。上次沙地出閘失先機，後上不及跑第五，但敗未脫節。拚後重新操練，今番復爭千二米不同估計。此駒跑同程路有專長。恩利克人馬夾檔，有力推翻一切。

第五場：四、五班千二米。“甜汎韓”上仗同程拚入連贏，走勢明顯進步。今季評分調至有利水平，連仗表現四平八穩。千二米路程最合發揮，馬有勇態。拚後重來，易配恩利克操刀，騎者功架具分量，料會同此駒夾檔，人馬盡砌，可勝此局。

第六場：五、六班千五米。“鑽飾銀河”季內屢拚未開齋，但質新馬走勢逐漸轉好。上仗沙地拚得第四，明顯進步。拚後重新打磨，今次轉跑草地用到恩利克主轡，幕後求逞決心昭然若揭。此駒後上力強，直路衝刺煞食，抽到一檔好位，可望勝回一局。