美麗閃耀力爭連捷

今午上演二○二○年首次賽事，草地共跑七場兼轉播十一場新加坡馬。本地馬頭場兩點正開跑，外地馬頭場一點十五分響鑼。騎師馬雅離去，何華麟因傷缺陣，鮑羅素停賽。各場出馬踴躍。但馬多形勢亂，料賽果會偏向冷路，投注要執生。

筆者心水推介，第一場“特別條件”千五米。賀蘭杜夫廄“美麗閃耀”可做馬膽。此駒上仗千二米予取予攜，贏來無懈可擊。拼後小休再做足工夫，今仗增程續戰，改配查維斯主轡配搭仍強，可睇高一線。

“美麗閃耀”四歲馬潛力未盡露，全熟後料有大把前途。此駒今季三戰千二米一勝一位，算交得準。上仗臨場殺聲震天，最終捧成大熱，贏來易如反掌，表現前後兼具。拼後復課悉力打磨，晨操快試慢踱做到足工夫，論馬狀態勇進。今次增程至千五米應合腳法，用查維斯操刀配搭亦強，憑人強馬壯可爭連捷。