黎燕珊為女兒慶生兼倒數

黎燕珊近日不慎拉傷左邊腰部，但她仍開心地為女兒劉詠詩準備元旦的生日和倒數派對，希望一家人一齊開開心心度過。

黎燕珊表示已為女兒的生日會張羅了幾天，她曾向女兒提議不如外出食飯倒數慶祝生日，但女兒希望留在屋企度過，因每年都慣常在家慶祝，又可以倒數迎接新一年。她笑說：“最近工人放假返了菲律賓，我便要兼職做埋家傭。加上要為女兒一月一日的生日會做準備，忙個不停。日前半夜見大風，便去關窗，一不小心便撻低拉傷腰部。還未有時間睇醫生，現在仍有點痛，要當職業女性比較辛苦。雖然幾十年都習慣了，可能現在年紀大才感覺辛苦。”

珊姐謂當晚女兒和兒子會帶另一半回來，其後口快快說“還有爸爸”，被問是否有新戀情？珊姐隨即否認：“我都想！可能我創傷後遺症好嚴重，唔慣身邊有另一個人。但我抱開放態度，亦有追求者，奈何未有適合對象。以前擇偶對品質要求高，現時已把條件降到無得再低，哈哈。”