吳嘉熙以歌會粉絲

女子組合Super Girls成員吳嘉熙(Cheronna)日前舉行首個粉絲聚會，一口氣唱了十首歌，以歌會粉絲。Cheronna希望可以跟粉絲拉近距離，更特別包了一間餐廳。她表示：“我從來冇試過個人粉絲聚會，所以今次以一個迷你音樂會形式去搞，可以更拉近與粉絲的距離。好開心，好耐冇咁樣表演過，佢哋聽我唱歌，又可以近距離傾偈。”

適逢Cheronna早前過三十一歲生日，粉絲為她準備了兩個生日蛋糕慶祝，Cheronna即場許願：“許了甚麼生日願望就唔講啦，怕講出來不能實現。不過佢哋好有心，準備的蛋糕都是我鍾意的卡通人物，係好甜好開心的一件事。”

去年Cheronna單飛後推出首支個人歌曲，不過今次聚會上，她卻未有於現場獻唱其新歌《把持》、《你的你》及《無利可圖》，反而唱了SG的《鎂光燈下》，以及其他歌手的作品。Cheronna說：“粉絲成日都有機會聽到我的歌曲，反而想畀佢哋聽下我平時會聽咩歌，對我了解更多。”