蔡瀚億冀拍戲主持多棲發展

二○二○年即將到來，蔡瀚億(BabyJohn) 回顧二○一九年的工作時，坦言都算好充實：“今年年初我為無線拍咗一部劇集《荷里活有個大老千》，之後又客串做電台DJ，電影方面都拍咗一部作品。至於最近，我分別為香港開電視及ViuTV主持節目。（明年工作大計如何？）二○二○年我想喺節目主持、拍戲兩方面一齊發展，同時我好有興趣做電影製作前期工作，好似創作劇本啦、物色投資者同搵合適導演等等。”

談到他正與梁祖堯合作主持飲食節目，問他可有想過與對方一齊搞飲食生意？BabyJohn笑言：“佢鍾意食嘢但唔鍾意做生意，而我就鍾意食嘢同時亦好想試吓做生意，如果我哋合作，應該會好過癮。但最理想係唔使自己出錢可以做生意，即係搵到人打本畀我哋。”