余香凝試戴珠寶唔敢飲水

余香凝(Jennifer)前日應邀出席意大利高級珠寶品牌的發佈活動，以一襲低胸連身長裙登場，小露“事業線”。平日罕有性感示人的Jennifer笑言藉此一圓公主夢：“今日出席首飾品牌活動，真係好開心，因為每次都可以着得好靚、試戴好多好靚珠寶，覺得自己好似公主咁！為配合品牌高貴形象，今日着得比較優雅，所以出入都要小心，提醒自己唔好咁粗魯。”

作為影壇寵兒，Jennifer經常有機會戴上高級珠寶，不過她自爆每次都要禁飲水：“我試過將價值七位數字的首飾戴上身，之後就唔夠膽飲水。因為我驚去廁所洗手除低戒指就唔見咗，所以全日只係飲幾滴濕吓口。”

Jennifer透露媽媽甚有遠見，早已為兩位女兒儲定金器：“媽咪有買定龍鳳鈪，留給我同妹妹做嫁妝。不過我應該冇咁快戴到喇，之前有玄學師傅贈言，話我呢幾年冇桃花。”